大家好，相信好多女士都同我一樣，由細到大都好貪靚，但踏入35歲之後，除咗皮膚無以前咁有彈性，竟然仲開始脫髮！今日就想同大家分享下我嘅植髮手術同恢復過程，希望我嘅經歷可以幫到一啲有脫髮問題嘅女仔，因為植髮手術對我嚟講，係可以大大改善到外表，仲令我更加自信。
首先我既髮際線天生好高，髮線上移既問題困擾我好多年，大大影響我既自信。我好好彩，有位做過植髮既朋友推薦左佢做嗰間俾我，叫顯赫植髮中心，話幫佢嗰位醫生好細心，我見佢做出嚟效果真心唔錯，所以決定上去睇睇。上去諮詢期間醫護同事已經好細心咁了解我嘅需要，仲根據我嘅面型，幫我設計咗一個不規則、小花瓣形狀嘅髮際線，有好好嘅修面效果。
因為我唔想比同事、唔熟朋友知道我去咗做植髮，所以我揀咗FUE，呢項植髮技術係由醫生人手逐株逐株鑽取毛囊，再移植到髮際線部位，最主要係因為唔會留有疤痕，所以植髮痕跡唔會好明顯，呢個決定令我在手術恢復期間更加自信，唔洗擔心其他人嘅眼光。而手術當日醫生手勢十分之好，局部麻醉之後毫無痛感，幾個鐘頭後就完成手術返屋企，過程無咩特別。
手術後，除咗需要特別小心照顧傷口，亦唔可以做劇烈運動、曬太陽，啱啱完成手術後頭髮會變得濃密，呢段時間我特別鍾意照鏡，髮際線推前咗我成個人睇落都後生咗好多，亦令我對最後效果充滿信心。
而半個月後，我就經歷植髮必經嘅脫落期，新種植嘅頭髮會開始脫落，需要一段時間先會重新生出嚟。因為醫生一早已經解釋咗係正常現象，所以我亦無擔心，我頭髮脫落得唔算多，所以影響不大。
到今日，我已經完成手術6個月，開始見到髮際線新種植嘅頭髮重新生長，毛囊嘅狀況亦變得穩定，新生頭髮睇落去非常自然，我可以好似之前咁如常用直髮夾、髮Gel去做造型，亦已經睇唔到任何嘅植髮傷口。我終於可以自信咁面對其他人，唔洗再擔心脫髮問題令我外表睇落成個老人家咁。
以上就係我個人嘅植髮過程，最終嘅結果令我非常滿意。如果你都諗緊做植髮手術，真心建議你一定要搵一位經驗豐富嘅醫生，進行詳細諮詢同檢查。希望我嘅經歷可以為你提供到鼓勵，千祈唔好害怕追求美麗同自信，因為我相信每個人都值得擁有自己理想嘅形象！
i am Jamay 
發表留言